నాకు నచ్చిన తెలుగు పాటలు

పల్లవి
నవ్వు వచ్చిందంటే కిల కిల
ఎడుపొచ్చిందంటే వల వల
గోదారి పాడింది గల గల
దాని మీద నీరెండ మిల మిల మిల

చరణం
నది నిండా నీళ్ళూ ఉన్నా
మనకెంత ప్రాప్తమన్నా
కడవైతే కడవెడు నీళ్ళే
గరిటైతే గరిటెడు నీళ్ళే
ఎవరెంత చేసుకుంటే
అంతే కాదా దక్కేది

చరణం
ధర తక్కువ బంగారనికి ధాటి ఎక్కువ
నడమంత్రపు అధికారనికి గొతులెక్కువ
కొత్త మతం పుచ్చుకుంటె గుట్టులెక్కువ
చేతకానమ్మకే చెష్టలెక్కువ
చెల్లని రూపయికే గీతలెక్కువ

చరణం
తమ సొమ్ము సోమవారం..ఒంటి పొద్దునుంటారు
మంది సొమ్ము మంగళవారం...ముప్పెదుల్లా తింటారు
పరుల కింత పెట్టినదే..పరలోకం పెట్టుబడి

నవ్వు వచ్చిందంటే కిల కిల
ఎడుపొచ్చిందంటే వల వల
గోదారి పాడింది గల గల
కధలు చెప్పింది ఇలా ఇలా ఇలా