నాకు నచ్చిన తెలుగు పాటలు

గాలి చిరుగాలి నిను చూసిందెవరమ్మా
వెళ్ళే నీ దారి అది ఎవరికి తెలుసమ్మా
రూపమే ఉండని ఊపిరే నువ్వని
ఎన్నడు ఆగని పయనమే నీదని

కనురెప్ప మూసిఉన్న..నిదరొప్పుకోదు అన్న
నిను నిలువరించినా ఓ స్వప్నమా
అమవాసలు ఎన్నైనా..గ్రహణాలు ఎవ్వైనా
నీ కళను దోచెనా ఓ చంద్రమా
తన వడిలో ఉన్నది రాయో రత్నమో పోల్చదు నేల్లమ్మ
ఉలి గాయం చేయకపోతె ఈ శిల శిల్పం కాదమ్మ
మేలుకో మిత్రమా..
గుండెలో జ్వాలలే..జ్యోతిగా మారగా
చీకటే దారిగా..వెకువే చేరగా

చలికంచె కాపున్నా..పొగమంచు పొమన్నా
నీ రాక ఆపెనా వసంతమా
ఏ బండ రాళ్ళైనా..ఏ కొండ ముళ్ళైనా
బెదిరేనా ఈ వాన ఆషాడమా
మొలకెత్తే పచ్చని ఆశే నీలొ ఉంటె చాలు సుమా
కలకాలం నిన్ను అణచదు మన్ను ఎదిగే విత్తనమా
సాగిపో నేస్తమా..
నిత్యము తోడుగా నమ్మకం ఉందిగా
ఓరిమే సాక్షిగా ఓటమే ఓడదా