నాకు నచ్చిన తెలుగు పాటలు

మనసు కాస్త కలతపడితే
మందు ఇమ్మని మరణాన్ని అడగకు
కనుల నీరు తుడుచువారు
ఎవరు లేరని చితి ఒడి చేరకు
ప్రాణమన్నది బంగారు పెన్నిధి
నూరేళ్ళు నిండుగా జీవించమన్నది


కలసి రాని కాలమెంత కాటేస్తున్నా
చలి చిదిమేస్తున్నా
కూలిపోదు వేరు ఉన్న తరువేదైనా
తనువే మోడైనా
మాను జన్మ కన్న..మనిషి ఎంత మిన్న
ఊపిరిని పోసే ఆడదానివమ్మ
బేలవై కూలితే నేలపై ప్రాణముండదమ్మ


ఆయువంతా ఆయుధముగా మార్చవే నేడు
పరిమార్చవే కీడు
కాళివైతే నీ కాలికింద అణుగును చూడు
నిను అణిచేవాడు
మౄత్యువును మించే హాని ఎక్కడుంది
ఎంతటి గాయమైనా మాని తీరుతుంది
అందుకే పద ముందుకే..లోకం రాదా నీ వెనకే