నాకు నచ్చిన తెలుగు పాటలు

అందమైన లోకమని..రంగు రంగులుంటాయని
అందరు అంటుంటారు రామ రామ
అంత అందమైంది కానే కాదు చెల్లెమ్మ

గడ్డి మేసి ఆవు పాలిస్తుంది
పాలు తాగి మనిషి విషమౌతాడు
అది గడ్డి గొప్పతనమా..ఇది పాల దోషగుణమా?
మనిషి చాల దొడ్డాడమ్మ చెల్లెమ్మ
తెలివి మీరి చెడ్డాడమ్మ చిన్నెమ్మ

ముద్దు గులాబికే ముళ్ళుంటాయి
మొగలిపువ్వులోన నాగుంటాది
ఒక మెరుపు వెంట పిడుగు
ఒక మంచిలోన చెడుగు
లోకమంత ఇడె తీరు చెల్లెమ్మ
లోతుకెళ్ళితే కధే వేరు పిచ్చెమ్మ

డబ్బు పుట్టి మనిషి చచ్చాడమ్మా
పేదవాడు నాడే పుట్టాడమ్మా
ఆ ఉన్నవాడు తినడు
ఈ పేదను తిననివ్వడు
కళ్ళులేని భాగ్యశాలి నీవమ్మా
ఈ లోకం కుళ్ళును చూడలేవు చెల్లెమ్మ