నాకు నచ్చిన తెలుగు పాటలు

లెగు లెగు లెగు స్వతంత్రమా..నిదురబొయే స్వతంత్రమా
నీ చీకటి తొలగిస్తాము..నీకు స్వేచ్చ కలిగిస్తాము

విద్యన్నది వివేకమైతే..వివేకాన్ని ప్రేమను చేసి
ప్రేమే పరమార్ధమని..ప్రేమే సర్వస్వమని
ప్రేమతోని కలిమి లేమి కళ్యాణం కావాలంటూ
నలుదిక్కుల నా గొంతు ప్రజ్వలింప చేస్తాను
నవ్య జగతి సిద్ధికై దివ్వెనై వెలుగుతాను

రాజకీయ రంకుతోని..వొటులన్న కంపుతోని
స్వతంత్రాన్ని చంపుతున్న స్వార్ధపరుల కుతంత్రాన్ని
కుయుక్తులున్ని నిలదీసి నడివీధిలో పడదోసి
కలమే కత్తిని చేసి..ఖండఖండలుగా కోసి
నవ్యలోక సౌధానికి మెట్టు మెట్టు కడతాను
విశ్వశాంతి పుష్పానికి విద్య ధారపోస్తాము

మనిషొక మాటంటున్నారు..దారితప్పి పోతున్నారు
లక్ష్యాలను వేరును చేసి..ఇక్యత వీడి చెడుతున్నారు
శాంతి సమరం సత్యం ధర్మం
వేరు చేసి కేకలు వేసి
విడివిడిగా నడిచామంటే
విప్లవం రాదురా భాయి
విప్లవం రాదురా భాయి
ఐదువేళ్ళు కలిస్తేనురా..పిడికిలి పొడుస్తుందిరా
నలుగురము ఒకటైనప్పుడే..మన లక్ష్యం నిలిస్తుందిరా
మన లక్ష్యం నిలిస్తుందిరా..మన మాటే గెలుస్తుందిరా


గానం:- బాలు, చిత్ర